專心應付第一個比賽，經過連日嘅準備，終於等到有今日，碰啱今又要揸的士，加上有少少緊張，成晚瞓唔冧，一到五點就起身洗臉出門口，去到通頂老麥食早餐時，啲夜青都未走，食完就去攞車入去比賽場地 — 大尾督，自己肯定唔會第一個返終點，但就係第一個到起點嘅人，事關食完早餐入到去都係六點，天都未光，仲有人响度燒緊嘢食添，睇嚟自己真係幾緊張，去埋廁所做埋熱身都未夠七點，唯有等，等到八點半至起步，好在之前認真練習，一直保持中間位置唔使包尾，而且跑足全程唔使行，不過到最後三公里上斜作嘔，唔係作，真係嘔黃胆水，唔知係咪賽前飲得太多水，唯有死頂，返落平路最後衝刺都無力，結果五百人跑一百七拾幾，啱啱過咗52:00，四字都做唔到，有少少失望，不過下星期又有比賽，希望到時一切順利，跑得好過今次。